BabyStepsFamily（以下簡稱「本服務」、「我哋」）由 SoLoMo Solution Limited（香港）營運。 我哋重視你同你家人嘅私隱。本政策說明我哋會收集咩資料、點樣使用、同點保護。 使用本服務即代表你同意本政策嘅內容。
1. 我哋收集嘅資料
1.1 帳號資料
- 登入方式：本服務只支援 Google 登入同 Sign in with Apple，我哋唔會要求你設定密碼或提供手機號碼
- 由 Google / Apple 提供嘅姓名同電郵地址
- 顯示名稱、你自行填寫嘅年齡、居住地區（香港分區）
- 家庭關係（媽媽 / 爸爸 / 照顧者 / 祖父母）同家庭成員資格
1.2 你主動輸入嘅內容
- 孕期日期（預產期 / 最後經期）、超聲波相片、產前檢查記錄
- 孕期健康紀錄（體重、血壓、胎動次數等）
- 產後紀錄（餵奶、換片、睡眠等）
- 日記文字同你上載嘅相片
- BB 嘅名字、性別、生日
1.3 自動收集
- 設備資訊（型號、操作系統版本、語言）
- App 同網站使用記錄（開啟次數、頁面瀏覽），經 Firebase Analytics（app）同 Google Analytics 4（網站）收集，僅作使用分析同改善 app 用途
- 推送通知裝置代號（Firebase Cloud Messaging）— 只會喺你允許推送通知後先會儲存
- 當機 / 錯誤日誌（不含個人內容）
2. 我哋點樣使用呢啲資料
- 提供你選用嘅功能（日記、紀錄、家人共享、提醒等）
- 同步資料到你授權嘅家人
- 改善 app 嘅功能、效能、用戶體驗
- 遵守法律要求（如有需要回應有效嘅司法傳票）
我哋唔會將你嘅孕期 / 健康資料賣俾廣告商或第三方。
3. 同邊個分享
我哋只會喺以下情況下將你嘅資料分享出去：
- 家庭成員：你主動邀請、並分配權限嘅家人，可以睇到你選擇分享嘅特定資料
- 服務提供者：你嘅資料（包括上載嘅相片）儲存於由我哋營運嘅伺服器。登入經 Google / Apple 處理；使用分析同推送通知經 Google Firebase / Google Analytics 處理，呢啲供應商只會收到提供相關服務所需嘅資料
- 法律要求：當收到合法、正式嘅政府或法庭命令時
4. 資料儲存同安全
- 所有資料傳輸均採用 HTTPS（TLS）加密
- 我哋唔會儲存你嘅密碼 — 登入完全經 Google / Apple 處理，我哋只會收到登入憑證
- 資料庫加密儲存於受保護嘅伺服器
- 定期備份，以防意外資料遺失
5. 你嘅權利
- 查閱：你可以隨時喺 app 入面睇返自己所有資料
- 修改：你可以隨時更改任何已輸入嘅內容
- 匯出：支援匯出成 PDF（Baby Book 功能）或 JSON
- 刪除：你可以喺 app 內「設定 → 帳號 → 刪除帳號」永久刪除帳號，或電郵 [email protected] 提出要求。刪除會即時執行、不可逆轉，冇緩衝期或反悔期；你個人嘅資料會一併刪除。與家人共享嘅紀錄（例如家庭、孕期、BB 紀錄）可能會為其他家庭成員保留
- 撤回家人權限：隨時移除任何家人嘅存取權
6. 兒童資料
本服務面向懷孕中嘅成年人或父母。BB 嘅資料係由父母 / 監護人輸入， 我哋唔會直接向 13 歲以下嘅兒童收集資料。如果你發現有未成年人未經 家長同意而使用本服務，請聯絡我哋。
7. 第三方服務
本服務使用以下第三方服務：
- Google 登入 / Sign in with Apple（帳號登入）
- Cloudflare（CDN 同 DDoS 防護）
- Google Firebase Cloud Messaging / Apple Push Notification Service（推送通知，只限你允許後使用）
- Firebase Analytics（app）同 Google Analytics 4（網站）— 用嚟收集使用分析數據以改善本服務；呢啲數據唔會賣俾第三方
8. Cookie
Web 端使用必要嘅 cookie 以維持登入 session，並使用 Google Analytics 4 嘅分析 cookie 以了解網站使用情況。我哋唔使用第三方廣告 cookie。
9. 政策變更
如果本政策有重大變更，我哋會喺 app 內通知你，並更新本頁底部嘅日期。 繼續使用本服務即代表你同意更新後嘅政策。
10. 聯絡我哋
對本政策有疑問？請電郵至 [email protected]， 或者經 支援頁 留言。